ROALDENSIS Franciscus

ROALDENSIS Franciscus

Marisilliacô Gallus, Ius docuit Cadurci, cum Ant. Govea; dein Valentiae, tandem Tolosae; velut commune Oraculum undique consultus, ipsique Cuiacio ac Hottomanno tanti habitus, ut eum arbitrum litis, circa explicationem L. frater a fratre ff. De condict. Indebiti, eligerent. Obiit A. C. 1589. aetat. 70. ann. maerore ex Ioh. Steph. Durantii Parlamenti praesidis caede conceptô. Moriens, huius unius se paenitere dixit, quod aliquandiu in urbe versatus esset, in qua nullus bonis Literis honor haberetur. Thuanus Histor. Sammarth. et Anton. Teissier Elogiis. Vide et Franciscus.